|
|
Arşiv Fon Kodu: ŞD. Dosya No: 1782 C, Gömlek No: 41, Tarihi: 8 R 1293 (21 Nisan 1292-3 Mayıs 1876), Konusu: Giresun kazasının Karahisar-i Şarki’den tefrik olunmasına (ayrılmasına) dair. (Sivas 1)
m.d.tosun.
Hâ-ki Pay-i Sâmi-i Hazret-i Vekâlet-penâhiye
Marûz-i Çaker-i Kemineleridir ki;
Geçen sene Trabzon vilayetinden tefrik ile Sivas vilayetine ilhak olunub Karahisar-i Şarki Sancağına izafe ve rabt olunan Giresun kazasının yine Trabzon vilayetine iade-i irtibatı hakkında Trabzon’ca ahz u itası olan tüccar tarafından bir mahzar tanzim olunmakda olduğu istima’ olunmuş ve her iki taraf-ı müstazıll-i saye-i ma’delet-vaye-i hazret-i padişahi ve nazar-ı merhamet eser-i cenâb-ı vekâlet-penâhilerinde müsavi olub ancak kaza-i mezkûrun Sivas’a ilhakı Karahisar-i Şarki ile kaza-i mezkûr beyninde müştereken tesviyesi der-dest ihtimam olan tarik maddesinin hüsn-i teshile irade-i hayriyesine mübteni olduğundan şimdi ahaduhumanın (ikisinden birinin) diğer vilayete irtibatı işi sektedar ideceği müşebbadır. Hatr-ı kemteri olarak beyan-ı hale ibtidar kılınmış. Ve her halde ifa-yı muktezası menut-ı irade-i hükümet-ade-i hazret-i vekâlet-penâhileri bulunmuş olmağla ol-babda emr ü ferman hazret-i men-leh’ül emrindir. Fi 27 Safer Sene 1293 ve fi 11 Mart Sene 1292
Bende Ahmed İzzet
FENA ŞÂYİA (rivayet)
Geçenlerde zât-ı şâhâne aleyhinde sû-ikad tertîbâtını tahgîg eylemek üzere Mahmûd Necîb Melhame Paşa'nın yeni şu'râyı devlet-i A'zâsından Selim Ra'd Efendi nâmında birinin Sofya'ya geldiğini Bulgar gazeteleri yazmışdı.
Bu kere mevsûg-ulkalem (sağlam haber) Avrupa gazetelerinin ihbârâtına göre Selim Ra'd Efendi İstabul'agitdiğinde Zât-ı Şâhâneye uzun bir rapor vermiş ve bu raporunda bu sûi tertîbâtı bizzat Bulgar hükümetinin parmağıyladır diye Padişahı iknâya çalışmış.
Padişahın bu gibi desâis, müzevir heriflerin akl-ı siyâsete sığmayan lafları dinleyerek hiddet ve vehme düşmesi cidden şâyân-ı esefdir.
Hersek ordu-yu hümayununda (osmanlı ordusunda) istihdâm olunmak üzere erbâb-ı hamiyet (hayırseverler) tarafından ma'al memnûniye i'tâ olunan (bağışlanan) bargirin (atların) mikdârı
Re's
Aded
Mektubi-i Vilâyet sa'âdetlü Enver Efendi 1
Erkan-ı vilâyetden izzetlü Hacı Asım Beğ Efendi 1
Hallaç izzetlü Hacı Derviş Ağa 1
Meclis icrâat azasından rifatlü Zühdü Efendi 1
Zabıta Alay emini rif'atlü hâfız Sabit Efendi 1
Def'a-i sâniye olarak Ticaret Reisi Nezir Efendi 1
Rif'atlü Petraki Efendi 5
Rif'atlü Yefnanovik Manoylu Efendi 5
Tüccardan Comara Abdi Ağa 2
Hacı Abdi Ağa'yın Hacı Mehmed Ağa 1
Sohtun Mustafa Ağa 1
Yaşağın Muharrem Ağa 2
Sülübü Hacı Salih Ağa 1
YEKÜN 23
Geçen Haftanın YEKÜNÜ 38
Şimdiki YEKÜN 61
bosna gazetesi
17 eylül 1876
|
|
Merhaba sayın cefaks, KRTEK'in gün sonu pastası ve kapanış kademesini paylaşabilir misiniz? Saygılar, teşekkürler...
Yer İmleri