Printable View
https://s20.directupload.net/images/201207/cfy8c658.jpg
saltanat-ı seniyenin stokholm sefiri ferikan-ı kiramdan saadetlu şerif paşa hazretleri kanunuevvelin birinde isveç ve norveç kralı haşmetlu oskar hazretleri tarafından mülakata kabul olunmuşlardır.
7 aralık 1898
https://s20.directupload.net/images/201207/bs9ho49s.jpg
bir katl maddesinden dolayı on beş sene kürek cesayıyla rodos hapishanesinde mahpus bulunan zekeriya bin seyfullah nam şahsın maluliyetine mebni hukuku umumiyeden affu aliye mazhariyeti hususuna bila istizan irade-i seniye hazreti hilafetpenahi şeref sunuh ve sudur buyrularak keyfiyet adliye nezareti celilesi canibi alisinden cezayir bahr-i sefid vilayet-i celilesi istinaf müdde-i umumiliğine (savcılığına) vuku bulan tebligat üzerine merkumun sebil-i tahiye kılınmıştır.
7 aralık 1898
https://s20.directupload.net/images/201207/fncmcuxk.jpg
avusturya devlet-i fehimesinin dersaadet sefir-i kebiri (büyük elçisi) asaletlu baron dokalis hazretleri dünkü gün bab-ı aliye gelerek hariciye nazırı devletlu tevfik paşa hazretleriyle mülakat eylemişlerdir.
7 aralık 1898
https://s12.directupload.net/images/201207/z67zxnk4.jpg
almanya devlet-i fehimesinin dersaadet sefiri kebiri asaletlu baron mareşal hazretleri tarafından dün akşam sefarethanede bir ziyafet keşide olunarak bundan bazı süfera-i zevat sairenin hazır bulundukları istihbar kılınmıştır.
7 aralık 1898
https://s12.directupload.net/images/201207/qtv37wvy.jpg
evvelki gece paşabahçesinde bakkal yorginin hanesinde ateş zuhur ederek dört bab hane muhterik olduğu yazılmış isede,
tahkikat-ı ahiremize nazaran muhterik olan hane altı babdab ibaret olup sebeb-i zuhuru derdest-i tahkikattır.
7 aralık 1898
https://s20.directupload.net/images/201207/nirwulvm.jpg
altı haneden otuz yedi nüfus ahali-i islamiye batumdan dersaadete gelmişlerdir.
7 aralık 1898
https://s12.directupload.net/images/201207/cusbi7uq.jpg
petersburg : 6 kanunuevvel - sibirya hattı üzerinde kain (harbin)-de bir tren hattından çıkarak on sekiz kişinin telef olduğu bildiriliyor.
7 aralık 1901
https://s12.directupload.net/images/201207/4btpl5vh.jpg
almanya imparatoru hazretlerinin mahdumlarından prens adelbert hazretlerinin kudüs-ü şerifte alman mektebini ziyareti.
7 aralık 1901