KARAHİSAR-İ ŞARKİ’DE SÜVARİLER İÇİN AHIR VE SAMANLIK İNŞASI
T.C. Başbakanlık Osmanlı Arşivi Fon Kodu: İ. AS. Dosya No: 25, Gömlek No: 4, Tarihi: 1316 M (Muharrem) 10 (31 Mayıs 1898), Konu Özeti: Karahisar-i Şarki’de Jandarma Süvari hayvanatına mahsus olmak üzere hükümet konağı havalisinde Nisa Hapishanesi’ne bitişik boş miri arazi üzerine bir ahır ve samanlık inşası hususu. (1316 M-04)
http://fs1.directupload.net/images/180730/6jvstt9m.jpg
Maruz-i çaker kemineleridir ki;
Karahisar-i Şarki Jandarma Süvarisi hayvanatına mahsus ahur olmadığına ve hükümet konağının alt katında ittihaz edilen ahurda hâsıl olan rutubet mezkûr konağın temellerine zarar vermekte ve rutubetin te’siriyle hayvanatın dahi hastalanmakta olduğuna mebni hükümet konağının havalisinde nisa habishanesine muttasıl (bitişik) hali (boş) miri arsası üzerine ondokuzbindörtyüzkırkbir guruş elli santim sarfıyla yirmibeş esb (at, beygir) .istiab eder bir bab ahur ve samanluk inşasına lüzum göründüğüne ve tanzim olunan resm ve keşif defteri leffen gönderildiğinden ve icra kılınan münâkasasında talib zuhur etmediğinden bahisle icabının ifası Sivas vilayet-i celilesinden re’sen ve cevaben varid olan muharreratda inha ve mezkûr resmin fenne suret-i mütabakatda ve masarif-i keşfiyesinin de haddi i’tidalde edilmek istihkâm ve inşaat dairesine yazılan ilamda inba olunmuş olduğuna nazaran mezkûr ahur ve samanluğun ol vechile müceddeden inşası nezd-i alide karin-i tensib buyurulacağı halde mahallince erbab-ı vukufdan intihab olunacak muhtelit (karma) komisyonun taht-ı nezaretinde olarak emaneten inşa edilmek ve metanet ve ruhsatına bigayet dikkat ve itina olunmak üzere mebaliğ-i mezburun umum jandarmanın üçyüzondört senesi büdçesine dahil olan taşra inşaat ve tamirat tertibinden tesviye ve i’tası zımmında icab-ı halin icra ve neticesinin emr ve inba buyrulması hususunun pişgâh-ı sâmi-i sadâretpenâhilerine inhası lede’l havale Jandarma Dairesinin ifade ifade ve mezkur resm ile keşf olan defteri yine iade olunmak üzere leffen takdim ve ferstade kılınmış olmağla her halde emr ü ferman hazret-i veliyyül emrindir. Fi 20 Zilhicce Sene (1) 315 ve fi 29 Nisan sene (1) 314
(11 Mayıs 1898) Ser-Asker Bende
