Arşiv Fon Kodu: A.MKT.DV, Dosya No: 23, Gömlek No: 56, Tarihi: 1848, Konusu: Karahisar-i Şarki’li kavvas Sadullah’ın Tunus’da vefat etmesi.
m.d.tosun:
Maruzat-ı çâker-i kemineleridir ki
Bu kulları Şebinkarahisari kasabasına tabi İskefser karyesi sakinlerinden olub ve bu kullarının oğlum Sadullah kulları bundan akdem Tunus (ve) Trablus Valisi Ragıb Paşa Hazretlerinin hidemat-ı devletlerinde kavvaslık hidmetinde merkûm ol-tarafda istihdam iken merkûm oğlum ol-tarafda merhum olub (vefat edip) ol-tarafda terekesi beytü’l-mal tarafından tahrir olunmuş (yazılmış) binsekizyüzseksenaltı guruş on para terekesi çıkub elan terekesi Der-aliye gelmeyüb ol-tarafda kalmış olmağla ve bu kulları müteveffanın varisi olduğum ma’lum-ı âlîleri buyuruldukda merahim-i âlilerinden mercudur ki müteveffanın terekesi ol-tarafdan tahsil buyurularak bâb-ı maliyede betü’l-mal müdiri beğ efendi tarafına nakl olunmak hususuçün Tunus (ve) Trablus valisi bendelerine hitaben bir kıt’a emir-name-i sami i’tası niyazım babında emr ü ferman hazret-i veliyyül emrindir. Bende Der-aliyye’de (istanbul’da) sakin Lütfulllah
Yer İmleri