Arşiv Fon Kodu: HAT, Dosya No: 1607, Gömlek No: 22, Tarihi: 25 Ra 1253 (29 Haziran 1837), Konusu: Giresun kazasının Damderesi karyesinde bulunan mescid camiye çevrilerek hitabetinin Hasan bin Osman’a tevcihi.
Der-i devlet-mekine arz-ı dai-i kimesne oldur ki;
Giresun kazasına tabi Tamderesi nam karye ahalisi bâ-ser-i hem (peşpeşe, ardarda hepsi) meclis-i şer’-i hazirun olub her biri takrir-i kelam ve tebyin-i ani’l-merâm iderler ki karyemiz karib mahalde (karyemize yakın yerde) cami-i şerif olmamağla eyyam-ı şitada Cum’a namazı eda etmekde külli usret (çok zorluk) çeküb karyemizde camii şerif bina ve ihdas olunmağa eşedd-i (çok şiddetli) ihtiyacımız olmağla karyemizde vaki Es-Seyyid Mustafa nam sahibu’l-hayrın bina eylediği mescid-i şerife minber vaz’ olunub salat-ı yevm-i Cum’a ve ideyn eda olunmak içün taraf-ı saltanat-ı aliyeden izin ve icazeti mutazammın emr-i şerif sadaka buyurulmak ve işbu rafi’-irafi’a arz-ı ubudiyet Es-Seyyid Hasan bin Osman daileri yedine berat-ı şerif-i âlşân vaz’ı sadaka buyurulmak ricasına bir kıt’a arz-ı taleb ederiz didiklerinde vakıada eşedd-i ihtiyaçları mukarrer olub mescid-i şerif cami olmağa tahammülü olub merkum Hasan daileri dahi her vechile imamet ve hitabete ehil ve müstahak olmağın mescid-i şerife minber vaz’ ına izn-i hümayun buyurulup cihet-i merkuma merkum Hasan dailerine tevcih ve yedine müceddeden berat-ı şerif-i âlişân sadaka ve ihsan buyurulmak ricasına ol ki vaki vaki haldir bi’t-temas paye-i serir-i âlâya arz ve i’lâm olundu baki emr hazret-i men-leh’ül emrindir. Tahriren fi’i yevmüs-sabî min-şehr-i Muharremü’l-haram sene selase ve hamsin ve mieteyn ve elf.
Yer İmleri