Genel sohbet aktualite ve istekler.

[cefaks]

MÜTEFERRİK HABERLER
Ankara 23 [AA]- Ma'ârif Vekili Necati Bey Sivas'da mektebleri teftiş etmiş. Tarihi Sivas kongresinin ictimâ' etdiği salonun o zamanki haline ifrâ'ı ile muhâfazası içün Ankara'dan müzeler mütehassısı celbini ve Sivas'da ustabaşlık, boyacılık kursları küşâdını emr eylemişlerdir. Bugün Hafik ve Zara'yı teftiş ederek Suşehri'ne gidecekdir.

[cefaks]

İktisad Vekili Rahmi Bey zağferanbolu'da müessesat-ı sanaiyeyi ziyâret ve tüccâr ile ve san'at-ı mahalliye hakkında müşâverelerde bulunmuşdur. Bugün ormanları tedkîk edecekdir.

[cefaks]

& Samsun vilâyeti idâre-i husûsîyesinin 1927 büdcesi birmilyon ikiyüzotuz bin liradır. Bunun yarım milyonu Nâfi'a'ya 287 bini ma'ârife tahsîs edilmişdir.

[cefaks]

& Rusya'nın Yunan sefâinini isticardan vaz geçmesi üzerine Türk İtalyan ve Alman vapur kumpanyaları bu nakliyatın icrâsına tâlib olmuşlardır.

[cefaks]

& Küçük itilâf-ı hâriciye Nâzırlarının Bükreş'deki konferansı hitâm bulmuşdur. Neşr olunan tebliğde beynelmilel mesâ'îlin mütâla'asına nokta-i nazarların müteveccih ve her sâhada iştirâk-ı menâfi' mevcûd olduğu ve iktisâdî revâbıtın inkişâfı içün hey'et-i murahhaslar ta'yîn edileceği mesaiyenin ve bilhassa zibaton mu'âhedesinin tasdîkine şiddetle muhâlif olunacağı beyân edilmekdedir

[cefaks]

& Yugoslav meclis-i meb'ûsânındaki hâdise münâsebetiyle Hırvatistan'da (okunamadı) mühim mühim nümâyişler yapılmakdadır. Halk zâbıtaya hücûm etmiş müsâdemede iki kişi maktûl ve bir çokları mecrûh düşmüşdür. Yüz kadar tevkif yapılmışdır.

[cefaks]

& Borsa'da ingiliz 953 buçuk guruş istikraz-ı dâhili "92" liradır.
25 haziran 1928
kayseri gazetesi.

[cefaks]

Kırım’ın Kerc şehrinden hicret edip sığınma talebinde bulunan yahudilerin, Osmanlı Devleti’nde yaşayan diğer yahudilerle mezhep farkllıklarından dolayı, hahamları kendilerinden olmak üzere kabullerinin uygun görüldüğüne dair ferman


Atûfetlü efendim hazretleri

Kerc’den bu tarafa hicret etmiş olan Yehûd cemâ‘atinin teba‘iyyet-i saltanat-ı seniyyeye kabûl olunmaları ve umûr-ı mezhebiyyece bura Yehûdîlerinden farkları olduğundan ayrıca bir sınıf i‘tibâr olunmaları istid‘âsına dâir i‘tâ etmiş oldukları arzuhâlin tercemesi meşmûl-i nazar-ı şevket-eser-i hazreti şehriyârî buyrulmak içün arz u takdîm kılındı. Cemâ‘at-i mezkûrenin burada bulunan Yehûd milletiyle mezhebce farkları olduğundan hahamları kendülerinden olmak ve mu‘âmelât-ı sâ’irede Zabtiye müşîri devletlü paşa hazretlerinin taht-ı idâresinde bulunmak üzre kendülerinin tâbi‘iyyet-i saltanat-ı seniyyeye kabûl olunmaları muvâfık-ı emsâl görünüyor ise de yine her ne vechile emr u irâde-i seniyye-i hazreti mülûkâne müte‘allik ve şeref-sünûh buyrulur ise ana göre hareket olunacağı beyânıyla tezkire-i senâverî terkîm kılındı efendim.
Fî 4 Z. sene [12]72

Ma‘rûz-ı çâker-i kemîneleridir ki

Enmile-zîb-i ibcâl olan işbu tezkire-i sâmiye-i âsafâneleriyle zikr olunan terceme manzûr-ı âlî-i cenâb-ı mülûkâne buyrulmuş ve istîzân buyurulduğu vechile cemâat-i mezkûrenin hahamları kendülerinden olmak ve mu‘âmelât-ı sâ’irede müşîr-i müşârun-ileyh hazretlerinin taht-ı idâresinde bulunmak üzre kendülerinin tâbi‘iyyet-i saltanat-ı seniyyeye kabûl olunmaları müte‘allik ve şerefsudûr buyrulan emr u irâde-i seniyye-i hazreti pâdişâhî iktizâ-yı celîlinden bulunmuş ve mezkûr terceme yine savb-ı sâmî-i âsafîlerine i‘âde kılınmış olmağla ol bâbda emr u fermân hazreti veliyyü’lemrindir.
_{Fî 5 Z. [12]72 / [7 Ağustos 1856], BOA. I. Hâriciye 6857.}