1900 YILINDA KARAHİSAR-İ ŞARKİ ORMANLARININ KORUNMASI İÇİN TEDBİR ALINMASI
Murat Dursun Tosun
Arşiv Fon Kodu: ŞD. Dosya No: 528, Gömlek No: 10, Tarihi: 6 S (Safer) 1318 (5 Haziran 1900), Konusu: Karahisar-i Şarki ormanlarının tahripten vikayesiyle hüsn-i muhafazası için istihdam olunacak bir nefer süvari korucusunun tayini. (Orman, Maâdin ve Ziraat 2)
Orman Maâdin ve Ziraât Nezâreti Mektûbî Kalemi adet 32
Hû
Maruz-i Çeker kemineleridir
Karahisar-i Şarki Sancağı ormanlarının tahripten vikayesiyle (korunması) hüsn-i muhafazası zımnında müceddeden tesis ve istihdamına lüzum ve ihtiyaç eylediği Sivas vilayet-i celilesiyle orman müfettişliğinden iş’ar olunan üçüncü sınıftan bir nefer orman süvari korucusunun ta’yin ve istihdamı zımnında şehr-i dörder yüz guruştan i’tası icab eden dört bin sekiz yüz guruş maaş ve ber-mucib emsali tahsisi lazım gelen senevi yüz yirmi guruş kırtasiye ve mahrukat (yakacak) masrafıyla cem’an dört bin dokuz yüz yirmi guruşun taşra ıslahat karşuluğu namıyla nezaret-i çakeri bütçesine dâhil olub kısmen sarf edilmiş olan mebaliğden tesviyesi (ödenmesi) içün taraf-ı çakeriye emr ve me’zuniyet i’ta buyurulması arz ve istid’asına ihtisar kılındı. Ol-babda emr ü ferman hazret-i veliyyül emrindir. Fi 17 Zilhicce Sene 1317 ve fi 4 Mart Sene 1316
Orman ve maâdin ve Zira’ât Nâzırı Bende Selim
Yer İmleri