1893’DE KARAHİSAR-İ ŞARKİLİ TOPÇULARIN KAZA GEÇİREREK MA’LUL KALMASI
M.D.Tosun
Arşiv Fon Kodu: BEO, Dosya No: 140, Gömlek No: 10466, Tarihi: 22 Cemaziye’l-ahir Sene 1310 (11 Ocak 1893), Konusu: Karahisar-i Şarkili topçular Süleyman ve İbrahim’e kazaen sakatlanmalarından dolayı maaş bağlanması.
Hû
Nezaret-i Umur-ı Maliye Muhasebe-i Umumiye
Maruz-i çaker kemineleridir ki
Cülus-ı meymenet me’nus-ı cenâb-ı padişâhide top endaht ider (top atar) iken topun kazaen atış almasından dolayı sakatlanmış olan Karahisar-i Şarkili Süleyman ve İbrahim nam kimesnelerin bikes (kimsesiz) ve muhtaç-ı merhamet (merhamete muhtaç) olduğun beyanıyla birer mikdar maaş tahsisi evrakının leffiyle Dahiliye Nezaret-i Celilesinden meb’us (gönderilen) 16 Teşrin-i-sani Sene 1308 tarihli ve dokuzyüzaltı numaralı tezkerede iş’ar olunmuş ve baruthanede kaza-i vefat edenler ailesine otuzar guruşdan elli guruşa kadar maaş tahsis edilmekde bulunmuş olduğundan muma-ileyh Süleyman ve İbrahime dahi muhtacin maaşatı münhallatdan (açık bulunan memuriyetlerden) karşıluk bulunarak emsali misllü şehri otuz guruş maaş tahsisi hususunun huzur-ı âli-i cenâb-ı sadaret-penâhilerinden istizanı muhasebe-i umumiye-i maliyeden ifade kılınmış olmağla ol-babda emr ü ferman hazret-i veliyyü’l-emrindir.
Fi 22 Cemaziye’l-ahir Sene (1)310 ve fi 30 Kanun-i-evvel Sene (1)308 (11 Ocak 1893)
Maliye Nazırı Bende
Alıntı yaparak yanıtla
Originally Posted by Roni38
)))
Yer İmleri