1838’DE KOYULHİSAR FATİH SULTAN MEHMET CAMİSİNE HATİP ATANMASI
Arşiv Fon Kodu: HAT, Dosya No: 1611, Gömlek No: 21, Tarihi: 23 (L) Şevval 1253 (20 Ocak 1838), Konusu: Karahisar sancağının Koyulhisar kazasındaki Fatih Sultan Mehmed Han Camii Hatibi Mahmud Nuri Halife’nin kendi rızasıyla feragat ettiği hitabet cihetinin Ömer b. İbrahim ve Mahmud b. Ataullah Halifelere tevcihi
m.d.tosun.
Evkaf-ı hümâyûn nazırı izzetlü efendi iktizasını i’lâma himmet eyleyesün deyü buyuruldu
Fi 10 L Sene (12)53 (7 Ocak 1838)
Maruz-i bendeleridir ki
Nezaret-i evkaf-ı hümâyûna mülhak evkafdan Karahisar Sancağında Koyulhisar kazasında vaki’ Fatih Sultan Mehmet Han Tabe Serahû Hazretlerinin bina eylediği cami-i şerifinde vazife-i muayyene ile hitabet ciheti mutasarrıfı Seyyid Mehmed Nuri halife cihet-i mezkûru hüsn-i rızasıyla erbab-ı liyakattan Ömer bin İbrahim ve diğer Mahmud bin Ataullah halifelere ferağ ve kasr-i yed ve yedinde olan beratı teslim ve devr etmiş olduğu beyanıyla teveccühatı kaza-i mezbur naibi savb-ı çâkeriye havale buyurulan iş bu ilamında inha ider cihet-i mezkûr fariğ-i merkûmun elyevm uhdesinde idiğü derkenarda gösterilmiş ve hitabet cihetinin teşriken tevcihi nizamata münafi (aykırı) görünmüş olmağla bu suretde ber-mucib-i nizam bi’n-nefs bila kusur eda-yı hidmet etmek ve terk ü tekasül ise ref’atden aslına verilemk şartıyla kasr-ı yedinden merkûmatdan yalnız Ömer bin İbrahim halifeye ba hatt-ı şerif şevket-redif-i şâhane ve bâ ru’us-ı hümâyûn tevcih ve yedine kaleminden iktiza eden beratı i’ta olunmak babında emr ü ferman hazret-i men-lehü’l-emrindir.
Der-i devlet mekine arz-ı dai-i kemineleri budur ki
Karahisar-i Şarki Sancağında Koyluhisar kazasında vaki’ Fatih Sultan Mehmet Han Tabe Serahû Hazretlerinin bina eylediği Cami-i Şerife vazife-i muayyene ile hitabet cihetine mutasarrıf olan es-Seyyid Mahmud Nuri hitabet cihetini kendü hüsn-i rızasıyla erbab-ı istihkakdan Ömer bin İbrahim ile diğer Mahmud veledi Ataullah feragat ve kasr-ı yed idüb ol-vechile mahlul kalmakmağın mezkûr Mahmud Nuri’nin kasr-ı yedinden es-Seyyid Ömer bin İbrahim ve Mahmud bin Ataullah üzerlerine muharrer birer kıt’a berat-ı âlişan sadaka ve ihsan buyurulması niyazıyla vakiü’l-haldir Hasbeten Lillahî Te’âlâ paye-i serir-i âlâya bi’l-iltimas i’lam olundu. Bakiü’l-emr hazret-i men-lehü’l-emrindir. Hurrira şehrü’l-evasit şehr-i Cümadiye’l-ahir li sene selase ve hamsin ve mieteyn ve elf.
El abdu’d-dai li’d-devami ömri devletükümü’l-âlî
Es-Seyyid Ömer kadı el-müvella hilafe bi-kaza-i Karahisar
Fi 23 (L) Şevval Sene (12)53 (20 Ocak 1838)
Yer İmleri