Genel sohbet aktualite ve istekler.

[cefaks]

imtiyaz talebi
bilumum şürekası (ortakları) teba-i devleti aliye-i osmaniyeden,
ve ekseri o civar ahalisinden olmak,
ve kale-i sultaniye (çanakkale) ile seddül-bahir ve kilid-bahir ve lapseki ve çardak arasında işleterek yolcu vesaire taşımak üzere geliboluda bir şirket teşkil ederek ol-babda tanzim olunan mukavale ve şartnameleri merci-i alisine bil-takdim imtiyaz taleb eyledikleri müstahberdir (haber alınmıştır).
30 aralık 1891

[cefaks]

nakil
beykozda ingiliz kabristanında bulunan ingiliz askeri kemiklerinin üsküdar mezaristanına nakli hususu taht-ı karara alındığı yazılmış idi.
iş-bu nakil hususuna saadetlu vitalis efendi hazretleriyle sair zevat tayin edilerek yakında nakliyatı lazimenin ifasına mübaderet edileceği müstahberdir.
30 aralık 1891

[cefaks]

kuşadalı nikoli ile ataş oğlu yorginin geçende sökeden avdetlerinde önlerine geçib merkum nikoliyi darb ve cerh,
ve her ikisinin eşyasını ahzu gasb eden dimitri oğlu atanaş derdest olunduğu gibi,
refikleri (arkadaşları) olup sisama firar eden anderiya makri ile baba yorgi dahi bil muhabere sisamda taht-ı tevkife aldırıldıkları aydın mutasarrıflığından bildirilmiştir.
30 aralık 1891

[cefaks]

hicret
yenipazar ve silistre ahali-i islamiyesinden yedi hane halkı varna tarikiyle,
ve milleti museviyeden on dört nüfus odesadan dünkü gün şehrimize hicret etmişlerdir.
30 aralık 1891

[cefaks]

vefat
kadıköyünde mukim (oturan) eshabı servetten (zenginlerden) vasilaki karofalidi efendi vefat etmiştir.
30 aralık 1897

[cefaks]

cümleten selamlar hayırlı sabahlar.

[cefaks]

humma-i asfar
amerika-i cenubiyedeki riyodejaniyero şehrinde humma-i asfar (sarı humma) illeti müdhişesinin bir şiddeti fevkalade ile icra-i hüküm ederek hergün yalnız bu hastalık tesiriyle kırk beş elli kişi vefat eylediğini gazeteler yazıyorlar.
31 aralık 1891

[cefaks]

bekarlar kulübü
londrada yalnız bekarlara mahsus olmak üzere bir kulüb teşkil olunub - bu cemiyete dahil olan azadan her hangisi akd-ı izdivac (evlenecek) olur ise derhal tard edilmekle kalmayıp yirmi beş lira kadar ceza-i nakdi vermeyede mahkum edileceği mezkur (ismi geçen) kulübün nizamatı esasiyesinden imiş.
31 aralık 1891