KARAHİSAR-İ ŞARKİ KAYACIK (YAKACIK) NAHİYESİ SİS (ÇATALOLUK) KÖYÜNE RAHİP KARABET’İN MURAHHASA TAYİNİ
Murat Dursun Tosun
Arşiv Fon Kodu: A.}DVN. MHM. Dosya Kodu: 9 A, Gömlek No: 81, Tarihi: 20 N 1268 (8 Temmuz 1852), Konusu: Karahisar-ı Şarki’ye bağlı Kayacık nahiyesi Sis köyündeki Ermeni manastırına Rahib Karabet’in murahhasa tayinine dair berat.
Hû nişan-ı hümayun oldur ki;
Ermeni Patrikliğine dâhil Karahisar-i Şarki mülhakatından Kayacık (Yakacık) nahiyesine tabi Sis (Çataloluk) karyesi manastırı murahhasası Mıgırdıç Rahibin bu def’a azliyle yerine diğerinin ta’yini lazım gelmiş ve rahiblerden işbu darende-i berat-ı hümayunum kıdvetü muhtarü’l-milleti’l-mesihiyye olmakla mucebince Kayseriyyeli Karabet Rahib zidet rütbetehu umur-ı murahhasalığı idare ve ru’yete muktedir bulunmuş olduğundan resm-i pişkeşi ber-vech nakd-i teslim olunmak şartıyla murahhasalık-ı mezkûru rahib merkuma bi’t-tevcih şuruti derciyle yedine bir kıt’a berat-ı alişanım i’tası İstanbul ve tevâbi’i Ermeni Patriği iftihar-ı muhtar-ul milleti’l meshiyye Agob Piskopos dâmet rütbetü emelihi millet meclisi mühürleriyle mahrusa-i saadetime takdim eyledikleri bir kıt’a arizalarında istid’a olunub kuyûda lede’l-müracaa murahhaslık-ı mezkûr dörtbin akçe resm-i pişkeşiyle rahib merkûmun huzurunda bulunduğu mukayyed ve mastur olarak resm-i pişkeşi olan mebaliğ-i mezkûr ber-vech nakd-i teslim-i hazine-i şahanem olunduğu tahrir-i alişan kılınmış olmağın sadır olan ferman-ı alişanım mucebince bu berat-ı hümayunumı verdim ve buyurdum ki; merkum Karabet Rahib zikr olunan Karahisar-i Şarki ve mülhakatından olan Kayacık (Yakacık) nahiyesine tabi Sis karyesi manastırı murahhasalığını idare edüb murahhasalığına tabi beravâta (ferman) Fi Evasit N (Ramazan) Sene 1268 (3 Temmuz 1852)
Alıntı yaparak yanıtla
Yer İmleri