1848’DE EZBİDER’DE BULUNAN KİLİSENİN TAMİRİNE DAİR YAZIŞMALAR
İncelediğimiz 1848 tarihli belgede Ezbider köyünde bulunan Ermeni kilisesinin eskidiğinden ve tamire ihtiyacı olduğundan bahisle köyün ileri gelen Ermenilerinden oluşan bir heyet Şebinkarahisar Meclisine gelerek ruhsat talebinde bulunmuş.
Bunun üzerine bir komisyon kurularak Ezbider köyünde bulunan kilise incelenmiş ve gerçekten de söylenildiği gibi kilisenin oldukça eskidiği ve acilen onarıma tabi tutulması gerektiği tespit edilmiştir.
Bunun üzerine Kadı ve Fetva Emini Mehmet Emin Efendi verdiği fetva ile onarıma mani olunmaması ve gerekli ruhsatın verilmesini beyan etmiştir.
m.d.tosun
Arşiv Fon Kodu: A.}MKT. Dosya No: 133, Gömlek No: 9, Tarihi: 5 B (Recep) 1264 (7 Haziran 1848), Konusu: Şarkî Karahisar’da bulunan eski kilisenin tamiri hususunda Kadı Mehmed Emin’in ilamı ve Fetva Emini’nin buna mani olunmaması hususundaki derkenarı.
Der-i devlet mekin arz-ı dâî-i kemineleridir ki:
Medine-i Karahisar-i Şarki kasabasına tabi Ezbider-i zir karyesi mütemekkinleri ahali-i zimmet Ermeni reâyâ-yı bi-cem’ihim huzur-ı şer’e gelüb şöyle tazim-i hal ve takriri ma-fi’l-bal niyaz ederler ki karyemiz bura dahi tulen otuziki zira ve arzen yirmidört zira ve kadden yirmidört zira Ahvazazin nam kilise-yi merkûmemiz zamanı vefireden beri tamir olmadığından her etrafı çürüyüb müsrif-i harab ve mail-i turab ile derununda icra-yı ayin mümkün olamadığından perişaniyetimize badi olmakla mürahimen li-ahvaline kiliseyi mezburun ber-mucib fetva-yı şerife vaz’-ı kadim hey’et-i İslamiyesi üzere tamir ve termimi hususuna müsaade-i aliyye erzan ve bir kıt’a emr-i celil-i alişân ısdarı inayet ve ihsan ve ol-vechile karyemiz reâyasını ihya ve şâdan buyurmak niyaz ve istirhamımızı der-bar-ı adalet-karara ilam-ı muayene idivir deyü tazallüm-i hal eyledüklerinden keyfiyeti li-ecli’l-tahkik karye-i mezburda bulunan cami-i şerif imamı Ahmed Efendi ibn-i Abdullah ve muhtarı Osman ibn-i Süleyman ve erbâb-ı vukufdan Hasan bin Abdurrahman ve Yusuf bin Yakub ve Ali ibn-i Hüseyin ve Osman bin Muhsin ve taraf-ı dâiyanemizden Hafız Mehmed Efendi nam kimesneler bâ-tayin kilise-yi mezburu muayene ve mesaha birle melfufen irsal olunan bir kıt’a resm-i musattahası da mürtesem (düz bir zemine resmolunmuş) olduğu üzere fi’l-hakika tulen otuziki ve arzen yirmidörd ve kadden yirmidört zira olduğu ve zamanı vefireden beri (uzun zamandan bu yana) tamir olmadığından her etrafı çürüyüb müsrif-i harab ve meil-i türab ile icra-yı ayin edemedikleri ve kilise-yi mezkûr kadim kiliseleri olub muhtacı tamir eylediğinü inha ve ihtiyarları ile reâya-yı mersumenin takrirleri tahkikat-i hale muvafık nefsü’l-emire (işin hakikatine) mutabık olduğu huzur-ı şer’ide sabit olub ilm-i daiyanem dahi muhit olmağın fukara-yı mersumenin hal-i perişan mealleri ve niyaz ve istirhamları mukarin-i müsaade-i adâlet-âde-i seniyyeleri buyurulduğu halde kilise-yi mezkûrun vaz’-ı kadim ve hey’et-i asliyesi üzere tamir ve termimi (onarımı) hususuna ruhsatı babında bir kıt’a emr-i alişân inayet ve ihsan buyurulmak niyazı ve istirhamında oldukları evvelki vakiü’l-haldir bi’l-iltimas paye-i serir-i alâya arz ve ilam olundu bakiü’l emr hazret-i men leh’ül emrindir. Evail-i şehr-i Cemaziyelahir tıs’a erba ve sittin ve mieteyn ve elf
El-abdü’d dâî li’d devleti’l aliyyeti’l Osmaniyye
Müftizade Mehmed Emin el-müvella el-hilafe Medine-i Karahisar-i Şarki
İşbu i’lam ve mazbata meallerine nazaran ketebe-i mersum-ı kadim tamire muhtaç olduğu Müslimun merkumun ihbarlarıyla zahir olmuş olmağla bu suretde reaya-yı mersumun ketebe-i mersumeyi vaz’-ı kadim ve heyet-i asliyesi üzere tamir hususundan men’ olunmamak meşru’ idiğü. Fi 5 B Sene (12)64
Üst Mühür: Mehmed Emin
Alt Mühür: Eminü’l-fetva
Alıntı yaparak yanıtla
Yer İmleri